شوفوا بنات ال site بتاعنا

يلا بينا نتعلم حورات البنات فى الSites

كلها و الى بيحورو حورات و بيبيعو المية فى حاره الصائمين

1- اذا كانت الواحدة من دول عاوزة تبين انها دلوعه ورقيقه تشوفها

حاطه وروود ودباديب و صور اطفال وشوية انجليزى

وتحط لك صور كرتون (سندريلا او خوخة) وتكتب بالوان هاديه

(وردي و احمر) وتكتب فى خانة عمرها بنـــــــــــــــــوته ..

2- اذا واحد مننا حط موضوع يخوف والا مرعب

شوفوا ردود البنات بقى :

واااااااااااااااااااااي اهئ اهئ / نو نو نو نو حراااااااااام عليكم خوفتوني

لا لا لا مش قادرة أكمل الموضوع ياماماتي وانت لو سفتها تخاف منها

وتقولك انا مش هنام لواحدى فى اوضتى انا هنام مع مامى وهو البيت كله اوضه وحمامين

وتكون الصور لحشرات وحاجات حلوة وتقول عنه انه مقرف

3- اذا كانت تعبانة شوية تعالوا شوفوا الدلع فى الردود:

واااااااااااااااي انا مزكمة و والبرد هيموتنى ... واااااااي

ما اقدر اتنفس , الحقونى بموت ,,,, معلش مش قادرة أكمل لانى تعبانة بجد

اهئ اهئ ... لا مش هكشف بخاف من الابرة

وهى اصلا سهرت ادام التلفزيون وصحت متأخرة وخافت ماميها تضربها فعملت تعبانة

4- وآه بقى لو غلط وسألها عن دراستها

تفتح بقى على الرابع واناه مقطعة الجامعة والكلية والسكاشن بتقف لها على رجل

وهى آخرها معهد عبده باشا

وتبقى فى عز الكلام و تلاقيها تقول عندى ليسون جامد طحن ولازم ازاكر

مع ان الدراسة لسه مابدأتش

5_ وبدون اى مناسبة بقى تلاقيها تقول فى رد عن العلاقات الاسرية

انها ماحدش ييقدر يرفض لها طلب

وانها صديقة انتيم لباباها مع انه كل يوم بيمسيها بعلقة

وآه بقى لما تقولك انها عمرها ماتضربت فى حياتها يااااااااااه

ولما تيجى سيرة الطبيخ بقى تلاقى الفشر اللى على أصوله

انها عمرها مادخلت مطبخ بيتهم ابدن

صح لانهم مش عندهم مطبخ بيطبخوا فى الصالة

6- ولما يكون موضوع عن مكان حلو مثلاً

فى ثوانى تلاقيها راحت المكان ده

وانها كل صيف بتصيف فى مصيف شكل

وهو مافيش غير جمصة ويومين فى آخر الصيف

7- ولو غابت يوم وحد سألها كنتى فين امبارح

فى ثوانى كنت بعمل شوبينج

فعلا كانت واقفة فى طابور العيش

8- اذا تكلمــوا عن الماركات و المحلات الراقية

والغالية و الازياء و المصممين

شوفوا الرد تحسسك بقى ان فوزية هى اللى بتتكلم

وساعاتى ومكياجاتى وبيجاماتى وفساتيناتى خلوا بالكم من الجمع وهى حيلتها قميص البيت وطقم الخروج بس

موضوع: شكرا على موضو عك السبت يناير 31, 2009 2:00 pm

شكرا على موضو عك